جوتيارهكێ دهڤهرا بهرواري بالا دورێن 7 تهنێن خيارا ژ ئێك خانيێ پلاستيكي فروتينه
2012-11-18
بهرواري بالا،زنار توڤي:
ژمارا
خوانداڤان: 32
بهرههمێ خومالي يێ خياران د خانيێن پلاستيكي دا ل دهڤهرا بهرواري بالا شيايه ههتا رادهيهكێ باش سهركهفتنێ بينيت و پێدڤيا دهڤهرێ پر بكهت, حهسهن موراد ئێك ژوان جوتيارانه يێ خانيهكێ پلاستيكي ههيي ل دور سهخبێريكرن و چاڤدانا خياران بۆ ئهڤرۆ دبێژيت: بهرههمێ ئهڤ ساله يێ خياران ژ سالێن بوري باشتر بوو, ژ ئێك خانيێ پلاستيكي وي پتر ژ حهفت تهنێن خياران ل بازاري فروتينه, ههتا رادهيهكێ ئهڤه تێرا هندێ دكهت كو ئابوورێ وي بهێز بكهڤيت و سالانه داهاتهكێ باش بۆ خێزانا وي ژێ دهێت, ئهڤه دبيته پال پشتهك بۆ جۆتياران كو ل سالێن داهاتي بهرههمێ خياران زێدهتر لێ بكهن. حهسهني ئهوژي گوت:ئهو سالانه زهحمهتهكا مهزن پێڤه دبهن, بهلێ ب هاريكاريا ئهندازيارێن چاندنێ و سهخبێري و سهرپهرشتيا وان و ل دووڤ رێنمايێن چاندنێ بهرههمێ وان سهركهفتن بخوڤه ديتيه و دياركر:چ جوداهي دناڤبهرا خيارێن ل بن خانيێن پلاستيكي و خيارێن ديتر دا نينه و وهكي خيارێن دي بتام و دخوشن, ژبهركو زبلێ گيانهوهران دناڤدا ب كاردئينن و ئهرد پێ قهلهو دبيت و ئهڤه هوكارهكێ سهرهكيه كو بهرههم پێ زێده ببيت. ناڤهاتي ئهوژي دياركر:كو خانيێ پلاستيكي ل سهر روبهرێ 4×9 مهتران هاتيه دانان و ئهڤ بهرههمه دايه, ئهگهر مرۆڤ بهراورديهكێ بكهت دناڤبهرا خانيێ پلاستيكي و زهڤيێن چاندنێ دا, دێ ديار بيت كو ئهگهر سێ جاران هند ئهردێ چاندنێ كربا خيار ئهڤ بهرههمه نه ددا, بهلێ خانيێ پلاستيكي دماوێ 4 ههيڤان دا ئهڤ بهرههمه دايه. ل دوماهيێ حهسهني گوت:ئهو دخوازن كو حكوومهت و وهزارهتا چاندنێ هاريكاريا وان بكهت و خانيێن پلاستيكي پتر بهێنه بهلاڤكرن ل سهر جۆتياران د اكو بهرههمێ خومالي زێده ببيت و گوت:ئهگهر وي هێشتا خانيێن پلاستيكي ههبان داشێت باشتر خزمهتا كهرتێ چاندنێ ل ڤێ دهڤهرێ كهت و دا گهلهك خياران بهرههم ئينيت و پێدڤي ب بهرههمێ خيارێن ژدهرڤهي وهلاتي نهدكر.
